2026-жылдын 10-апрелинде Жалал-Абад эл аралык университетинин (ЖАЭУ) студенттери Кыргызстандын Кызыл Жарым Ай Коому уюштурган тренингге катышты.
Тренингде үй-бүлөлүк байланыштарды калыбына келтирүү (Restoring Family Links) боюнча маалымат берилип, муктаждыктарды баалоо, маектешүү жүргүзүү, анкеталоо жана жоголгон адамдарды издөө ыкмалары талкууланды. Ошондой эле уюмдун гуманитардык ишмердүүлүгү жана ыктыярчылык мүмкүнчүлүктөрү тууралуу маалымат берилди.
Мындан тышкары, уюмдун жетекчилиги менен жолугушуу өтүп, студенттер менен окутуучулардын биргелешкен долбоорлорго катышуусу жана кызматташтыкты өнүктүрүү маселелери каралды.