Расмий документтерди тариздөө эрежелери боюнча өткөрүлгөн семинар жөнүндө

Жалал-Абад эл аралык университетинде 1-курстун студенттери үчүн “Расмий документтерди туура тариздөө” аттуу темада семинар өткөрүлдү. Иш-чараны факультеттин деканы Астанов Шавкатбек Моминжанович өткөрдү.

Семинардын жүрүшүндө студенттерге расмий-иш кагаздарын түзүүнүн негизги талаптары, алардын түзүлүшү, мазмуну жана баяндоо тилинин өзгөчөлүктөрү түшүндүрүлдү. Өзгөчө көңүл арыз, түшүнүк кат жана рапорт жазуунун эрежелерине, ошондой эле аларды тариздөөдө иш кагаздарынын стилинин нормаларын сактоого бурулду.

Иш-чаранын алкагында билим алуучулар расмий документтерди даярдоо боюнча зарыл болгон теориялык билимдерди жана практикалык сунуштарды алышты. Бул алардын жалпы кесиптик даярдыгынын маанилүү бөлүгү болуп саналат. Мындай семинарлар студенттердин укуктук, тилдик жана иш кагаздарын жүргүзүү сабаттуулугун жогорулатууга, ошондой эле расмий документтерди туура даярдоо көндүмдөрүн калыптандырууга өбөлгө түзөт.