Жалал-Абад эл аралык университети (ЖАЭУ) менен Алийма Ташиеванын атындагы Эне жана баланы коргоо борборунун ортосунда түзүлгөн кызматташтык тууралуу меморандумдун алкагында ЖАЭУнун жетекчилиги аталган борборго иш сапары менен барды.ЖАЭУнун делегациясын экономика илимдеринин доктору, профессор Арынбаев Жаныбай Токоевич жетектеди.Делегациянын курамында эл аралык байланыштар боюнча проректор Дипак Чаулагейн, сапат жана дарылоо иштери боюнча проректор Ташиева Гульбара Самидиновна, клиникалык дисциплиналар кафедрасынын окутуучусу Мурзабаева Мохира, операторлор жана IT-инженерлер болду.

Иш сапардын максаты:

1. Борбордун жетекчилиги жана жамааты менен таанышуу, ошондой эле онлайн-конференцияларды, окуу семинарларын өткөрүүгө шарт түзүүгө көмөк көрсөтүү.
2. Университеттин клиникалык базасы жана ЖАЭУга бекитилген окуу бөлмөлөрүнүн абалы менен таанышуу.

Алийма Ташиеванын атындагы НЦОМИДдин материалдык-техникалык базасын чыңдоо максатында университет борборго иш-чараларды өткөрүү үчүн көп функциялуу интерактивдүү панелди акысыз тапшырды.Тапшыруу аземи борбордун кызматкерлеринин катышуусунда салтанаттуу түрдө өттү.ЖАЭУнун президенти Арынбаев Ж.Т. борборду негиздегендерге жана Ташиев К.К.нын үй-бүлөсүнө Жалал-Абад облусу үчүн маанилүү жана келечектүү борбор ачкандыгы үчүн ыраазычылык билдирип, бардык кызматкерлерге кесипке берилгендиги үчүн алкыш айтты. Ошондой эле залга проектор орнотуу сунушун киргизип, университеттин атынан жана жеке өзү биргелешкен иш-чараларды, эл аралык конгресстерди жана конференцияларды өткөрүүгө колдоо көрсөтүүгө даяр экендигин белгиледи.Борбордун директору, КААН КРдин президенти, профессор Аскеров Арсен Аскерович ЖАЭУнун жетекчилигине көрсөткөн колдоосу үчүн ыраазычылык билдирип, университет менен көптөгөн багыттар боюнча кызматташууга даяр экенин билдирди.