Жалал-Абад эл аралык университетинде студенттердин материалды өз алдынча жана терең изилдөө жөндөмдөрүн өнүктүрүүгө өзгөчө көңүл бурулат. Бул максатта сабактарда RBL (Research Based Learning) — изилдөөгө негизделген окутуу усулу кеңири колдонулат. Бул ыкма студенттерге маалыматты жөн гана кабыл албастан, өз алдынча издеп, талдап жана системалаштырууга мүмкүндүк берип, сынчыл ой жүгүртүүнү жана чыгармачылык жөндөмдөрдү өнүктүрөт. Изилдөө жүргүзүү жана презентация даярдоо окуу процессинин маанилүү бөлүгүнө айланды.