2026-жылдын 28-январында Жалал-Абад эл аралык университетинин медицина факультетинин ЛД-5 курсунун студенттери «ЦСМ дарыгеринин жардамчысы» программасы боюнча өндүрүштүк практикадан өткөндүгү тууралуу отчёт тапшырышты. Практика Жалал-Абад облустук Үй-бүлөлүк медицина борборунун базасында өткөрүлгөн.Өндүрүштүк практиканын отчеттуулугунун негизги максаты — студенттердин теориялык билим деңгээлин аныктоо жана баштапкы саламаттык сактоо деңгээлинде алган практикалык кесиптик көндүмдөрүн баалоо болду.Практиканын жүрүшүндө студенттер амбулатордук кабыл алууга катышып, бейтаптардын даттанууларын жана анамнезин чогултушту, объективдүү кароо жүргүзүштү, медициналык документацияны толтурушту, ошондой эле профилактикалык жана санитардык-агартуу иштерине активдүү катышышты. Практика студенттердин клиникалык ой жүгүртүүсүн, кесиптик жоопкерчилигин жана бейтаптар менен баарлашуу көндүмдөрүн өнүктүрүүгө өбөлгө түздү.Отчёт эки этапта өткөрүлдү:
биринчи этапта студенттер ЦСМ шартында аткарылган иштер боюнча презентация жасап,
экинчи этапта практикалык көндүмдөрү бааланды.Студенттер өндүрүштүк практика боюнча отчётту ийгиликтүү тапшырып, клиникалык базаларда практикадан өтүүнүн маанилүүлүгүн белгилешти. Ошондой эле бейтаптар менен иштөө тажрыйбасы тууралуу өз таасирлери менен бөлүшүштү.

Отчётту төмөнкү комиссия кабыл алды:
— окуу иштери боюнча проректор Садырова Н.А.;
— сапат жана дарылоо иштери боюнча проректор Ташиева Г.С.;
— КД кафедрасынын окутуучусу Атабеков Т.Ш.