Бүгүн, 2026-жылдын 28-март күнү, Жалал-Абад эл аралык университетинде студенттердин, окутуучулардын жана кызматкерлеринин катышуусунда ишембилик өткөрүлдү. Иш-чара Кыргыз Республикасынын Илим, жогорку билим берүү жана инновациялар министрлигинин тапшырмасын аткаруу максатында, Кыргыз Республикасынын Президентинин Администрациясынын 2026-жылдын 5-мартындагы №20-2388 тапшырмасынын тескемесинин негизинде уюштурулду.

Бүгүнкү ишембиликтин алкагында ЖАМУнун аймагында жана университетке жакын жайгашкан Курманбек көчөсүндө тазалоо жана көрктөндүрүү иштери жүргүзүлдү. Мындай иш-чаралар тазалыкты камсыз кылууга, санитардык абалды жакшыртууга жана билим берүү мекемесинде жагымдуу чөйрөнү түзүүгө багытталган.

ЖАМУ Министрлик тарабынан каралган иш-чараларды ишке ашырууга активдүү катышып, өз аймагын көрктөндүрүүгө жана жашылдандырууга салым кошуп келет.