Жалал-Абад, Кыргызстан

Эл аралык өнөктөштөрдүн кызыгуусунун өсүшү Жалал-Абад Эл аралык университетинде (ЖАЭУ) билим берүүнүн жана адистерди даярдоонун жогорку деңгээлин айгинелеп турат.

SHALOM MED EDUCATION INDIA уюмунун жогорку кызматкери Анита Камараж айымдын жетектөөсүндөгү расмий делегация университетке расмий сапар менен келди. Сапардын алкагында университеттин жетекчилиги, медициналык факультеттин өкүлдөрү жана студенттер менен жолугушуулар өткөрүлдү.

Жолугушууларда медициналык билим берүү, академиялык алмашуу, клиникалык практика жана эл аралык программаларга катышуу тармактарындагы кызматташтыкты өнүктүрүү маселелери талкууланды.
Делегация университеттин инфратүзүмүн, билим берүү процессин уюштурууну жана студенттердин даярдык деңгээлин жогору баалады.

Өз сөзүндө Анита Камараж айым жылуу кабыл алуу үчүн ыраазычылык билдирип, ЖАЭУ жогорку квалификациялуу медициналык адистерди даярдоодо олуттуу жана кесиптик мамиле кылып жатканын белгиледи. Бул адистер Кыргызстанда эле эмес, эл аралык деңгээлде да чоң суроо-талапка ээ.

Бул сапар ЖАЭУ студенттери үчүн жаңы мүмкүнчүлүктөрдү ачып, эл аралык кызматташууну чыңдоого маанилүү кадам болду.