2025-жылдын 27-март күнү, Индиянын Кыргызстандагы элчилиги тарабынан уюштурулган Индиянын техникалык жана экономикалык кызматташтык программасына (ITEC) арналган маанилүү иш-чара Ош шаарында болуп өттү.

Иш-чарага жергиликтүү бийлик өкүлдөрү, ишкерлер, студенттер жана Индия менен билим берүү жана технологиялар тармагында кызматташууга кызыкдар адистер катышты.
Жыйындын жүрүшүндө ITEC программасынын максаттары жана мүмкүнчүлүктөрү талкууланып, адистик көндүмдөрдү өнүктүрүү, билим алмашуу жана Индия менен өнөктөш өлкөлөрдүн ортосундагы байланыштарды чыңдоо маселелери көтөрүлдү.

Программа алкагында информатика, инженерия, экономика жана саламаттык сактоо сыяктуу тармактар боюнча адистерге билим алуу мүмкүнчүлүктөрү тууралуу маалыматтар берилди.