Жалал-Абад эл аралык университетинин (ЖАЭУ) окутуучулары өз кесиптик чеберчилигин жогорулатуу багытында ишти активдүү улантууда. Кызматкерлерди өнүктүрүү программасынын алкагында бир катар окутуучулар TOEFL эл аралык экзаменин ийгиликтүү тапшырып, англис тилин жогорку деңгээлде өздөштүргөнүн тастыктаган расмий сертификаттарга ээ болушту.

TOEFL сертификаттары окутуучуларга академиялык чөйрөдө жаңы мүмкүнчүлүктөрдү ачат: эл аралык долбоорлорго катышуу, алмашуу программалары, илимий конференциялар жана англис тилинде сабак берүү. Ошондой эле бул жетишкендик университеттин эл аралык аброюн жогорулатууга жана билим берүүнүн сапатын арттырууга өбөлгө түзөт.

Бул кадам кесиптик өнүгүүнүн жана дүйнөлүк билим берүү мейкиндигине интеграциялоонун маанилүү бөлүгү болуп саналат.