Жалал-Абад эл аралык университетинде (ЖАЭУ) Кыргыз-Өзбек эл аралык университети (КӨМУ) менен кызматташтыкты өнүктүрүү максатында жолугушуу болуп өттү. Иш-чаранын негизги максаты билим берүү, илим жана инновация жаатындагы академиялык байланышты бекемдөө жана кызматташууну кеңейтүү болду.

Жолугушуунун жүрүшүндө университет өкүлдөрү студенттер жана окутуучулар үчүн академиялык алмашуу программалары, биргелешкен билим берүү жана илимий долбоорлор, заманбап окутуу методикалары боюнча кызматташуу маселелерин талкуулашты. Катышуучулар билим берүү сапатын жогорулатуу жана жаңы академиялык мүмкүнчүлүктөрдү түзүү үчүн бекем өнөктөштүк түзүүнүн маанилүүлүгүн белгилешти.

Мындан тышкары, коноктор колдоосун билдирип, эстелик белектерди алмашышты жана университеттин инфраструктурасы, окуу ресурстары жана лабораториялары менен таанышты.

Мындай жолугушуулар эл аралык кызматташтыкты өнүктүрүүгө, кесиптик байланыштарды бекемдөөгө жана эки университеттин студенттери менен окутуучулары үчүн жаңы мүмкүнчүлүктөрдү ачууга чоң салым кошот.