Тажрыйба алмашуу максатында университетке Ош эл аралык медициналык университетинин администрациясынан турган делегация иш сапары менен келди. Делегацияны аталган университеттин президенти Муратов Ж. К., ректору Жумаев Р. Р., проректору Сакибаев К. Ш. жана жетекчилик курамдын башка өкүлдөрү жетектешти.

Конок делегацияны кабыл алуучу университеттин администрациясы — президент Ж. Т. Арынбаев, ректор М. Р. Нарымбетов жана административдик-башкаруу персоналынын өкүлдөрү тосуп алышты.

Иш сапардын алкагында делегация объективдүү структураланган клиникалык экзаменди (ОСКЭ/ОСПЭ) уюштуруу жана өткөрүү системасы менен таанышты. ОСКЭни даярдоо жана ишке ашыруу боюнча методикалык жана уюштуруучулук аспекттер делегация тарабынан өзгөчө кызыгуу жаратты.

Эки университеттин жетекчилиги ОСКЭни уюштуруу жана киргизүү жаатында биргелешкен окутуу иш-чараларын, семинарларды өткөрүү мүмкүнчүлүктөрүн талкуулашты. Пландаштырылган иш-чараларды жакынкы мезгилде ишке ашыруу белгиленди.