Жалал-Абад эл аралык университети Улуу Британиянын Башкы Медициналык Кеңеши (GMC) биздин негизги медициналык квалификацияны расмий түрдө тааныганын кубануу менен жарыялайт.

Бул таанылуу биздин университеттеги медициналык билимдин сапатын тастыктап, бүтүрүүчүлөргө Улуу Британияда профессионалдык карьера курууга шарт түзөт. Атап айтканда, бүтүрүүчүлөр эми төмөнкү программаларга катышууга укуктуу:

• PLAB (кесиптик жана тилдик баалоо тесттери)
• MRCP (Терапевттердин Королдук Колледждерине мүчөлүк)
• MRCS (Хирургдардын Королдук Колледждерине мүчөлүк)
• GMC каттоосуна (Улуу Британияда иштөөгө уруксат алуу)

Бул маанилүү жетишкендик студенттерибиз үчүн эл аралык мүмкүнчүлүктөрдү ачып, университеттин дүйнөлүк академиялык аброюн дагы бекемдейт. Бул ийгиликке салым кошкон бардык студенттерге, мугалимдерге жана кызматкерлерге ыраазычылык билдиребиз.