Жалал-Абад эл аралык университетинде профессордук-окутуучулук курамдын англис тилин билүү деңгээлин аныктоо максатында TOEFL форматындагы тестирлөө өткөрүлүүдө.

Бул иш-чара Кыргыз Республикасынын тиешелүү буйруктарынын, ошондой эле университет менен «Авенир» билим берүү комплекси ортосунда түзүлгөн келишимдин негизинде уюштурулду.

Белгилей кетүүчү нерсе, тестирлөөгө чейин профессордук-окутуучулук курам «Авенир» билим берүү комплекси тарабынан уюштурулган эки айлык англис тили курстарынан даярдыктан өткөн.

2026-жылдын 27–28-март күндөрү ЖАЭУнун 38 окутуучусу тестирлөөдөн өтүүдө. Тестирлөө эл аралык стандарттарга ылайык TOEFL форматында жүргүзүлүп, анын жыйынтыгы боюнча тиешелүү сертификаттар тапшырылат.

Бул иш-чаранын негизги максаттары:

• англис тилинде окутуунун сапатын жогорулатуу;
• окутуучулардын тилдик компетенттүүлүгүн баалоо;
• эл аралык стандарттарга шайкештикти камсыз кылуу.

ЖАЭУ билим берүүнүн сапатын жогорулатуу жана окутуучулардын кесиптик потенциалын өнүктүрүү багытындагы иштерин ырааттуу улантууда.