2026-жылдын 1-мартында Жалал-Абад эл аралык университетинин Манас шаарындагы базасында Клиникалык иммунология жана иммунопрофилактика боюнча V Республикалык студенттик олимпиада болуп өттү. Иш-чара Бүткүл дүйнөлүк иммунитет күнүнө арналган жана «Иммунология жана иммунопрофилактика – 2026: инновациялар, стратегиялар, өнүгүү горизонттору» аттуу X Эл аралык конгресстин алкагында уюштурулду.

Олимпиадага өлкөнүн медициналык жогорку окуу жайларынын 4–6-курстарынын студенттик командалары катышты. Программага командалардын тааныштырылышы, викторина, иммунология тарыхы боюнча чыгармачыл тапшырма жана клиникалык кырдаалдарды чечүүгө багытталган практикалык этап кирди.

Жыйынтыгында жеңүүчүлөр жана байге ээлери аныкталды.

Олимпиадага төмөнкү жогорку окуу жайлардын студенттери катышты:

• Жалал-Абад эл аралык университети
• Кыргыз-Россия Славян университети
• Ош эл аралык медициналык университети
• Борбордук Азия эл аралык медициналык университети
• Б. Осмонов атындагы Жалал-Абад мамлекеттик университети
• Ош мамлекеттик университети
• С. Турсунбаев атындагы Азия медициналык университети

🏆 Байгелүү орундар

I даражадагы дипломдор:

• «ЛИГА ПРОФИЛАКТИКА» — ЖАМУ
• «CITOKINE STORMERS» — КРСУ

II даражадагы дипломдор:

• «Т-ХЕЛПЕРЫ МОЗГ ИММУНИТЕТА» — Борбордук Азия эл аралык медициналык университети
• “The Lympho Knights” — ЖАМУ
• “The Cytokine Stormers” — Б. Осмонов атындагы ЖАМУ

III даражадагы дипломдор:

• “Immune Hunters” — Ош мамлекеттик университети (Эл аралык медициналык факультет)
• “CORVUS” — КРСУ
• “CLINICAL INNOVATORS” — С. Турсунбаев атындагы Азия медициналык университети
• “CAIMU GLOBAL DEFENDERS” — Борбордук Азия эл аралык медициналык университети
• “The Cellular Identifiers” — Ош эл аралык медициналык университети
• “IMMUNOSPHERA” — Ош эл аралык медициналык университети

ЖАМУнун жетекчилиги студенттик илимдин өнүгүшүнө кошкон салымы үчүн катышуучуларга, илимий жетекчилерге жана өнөктөштөргө ыраазычылык билдирет. Ошондой эле Манас шаарындагы практикалык саламаттык сактоо өкүлдөрү — А. Набижанов, А. Арыкбаева, Н. Дүйшеев жана Р. Ураимов — калыстар курамынын мүчөлөрүнө өзгөчө ыраазычылык айтылат.

Баалоо көп баскычтуу упайлык система аркылуу жүргүзүлүп, жыйынтыктардын ачык-айкындуулугу жана адилеттүүлүгү камсыздалды. Жеңүүчүлөр жана байге ээлери дипломдор, баалуу белектер жана эстелик белектер менен сыйланышты.

Олимпиада студенттердин даярдыгынын жогорку деңгээлин жана заманбап медицинанын илимий чакырыктарына даяр экендигин дагы бир жолу далилдеди.