Дүйнөлүк туберкулёз менен күрөшүү күнүнө арналган «Туберкулёздү бирге жеңебиз» темасындагы студенттик илимий конференция ийгиликтүү өтүп, ага университеттин студенттери менен окутуучулары катышты.

Бул иш-чара дүйнөлүк өлчөмдө олуттуу көйгөй бойдон калып жаткан туберкулёз оорусу тууралуу маалымдуулукту жогорулатууда маанилүү кадам болду.
Конференциянын жүрүшүндө оорунун диагностикасы, алдын алуу жана дарылоо боюнча акыркы илимий изилдөөлөр талкууланды.

Айрыкча туберкулёздун эрте аныкталышынын мааниси, вакциналык профилактика жана дарыларга туруктуулук маселелери өзгөчө көңүлгө алынды.
Бул иш-чара билим жана тажрыйба алмашуу үчүн маанилүү платформа болуу менен бирге, туберкулёз менен күрөшүүдө биргелешкен аракеттердин зор маанисин дагы бир жолу тастыктады.