2025-жылдын 10-апрелинде Жалал-Абад эл аралык университетинин (ЖЭАУ) окутуучулары Scientific Publications LLC компаниясы тарабынан уюштурулган “Илимий макала жазуу” аттуу вебинарга катышышты. Компания илимий басылмалар жана академиялык изилдөөлөрдү колдоо жаатында алдыңкы адис болуп саналат.

Вебинардын жүрүшүндө илимий макалаларды даярдоо жана жазуу боюнча негизги темалар каралып, катышуучулар тажрыйба алмашып, эл аралык илимий журналдарда ийгиликтүү жарыялануу боюнча пайдалуу сунуштарды алышты.

Бул иш-чара ЖЭАУнун окутуучуларынын академиялык өсүшүнө өбөлгө түзүп, алардын илимий жазуу көндүмдөрүн жана эл аралык стандарттар боюнча билимдерин өркүндөтүүгө багытталган.