2025-жылдын 30-январында Жалал-Абад эл аралык университетинин (ЖАЭУ) администрациясы Ош мамлекеттик университетине (ОшМУ) иш сапары менен барды.

Жолугушууда негизги кызматташтык багыттары, анын ичинде биргелешкен билим берүү программалары, академиялык алмашуу жана илимий изилдөө долбоорлору талкууланды.

Делегация ошондой эле Медицина факультетине, DIMEDUS медициналык симуляция борборуна жана робототехника лабораториясына барып, алардын студенттер үчүн практикалык мүмкүнчүлүктөрү менен таанышты.

Бул сапар университеттер ортосундагы өнөктөштүктү бекемдеп, мындан аркы кызматташтык үчүн жаңы мүмкүнчүлүктөрдү ачты.