22-апрелде Жер күнүнө карата Жалал-Абад Эл аралык Университетинин медициналык факультети экологиялык иш-чара өткөрдү. Бул акциянын алкагында университеттин аймагы жана анын айланасы тазаланып, жашылдандыруу иштери жүргүзүлдү.

Иш-чаранын жүрүшүндө төмөнкү түрдөгү таштандылар жыйналып, сорттолду:

• пластикалык таштандылар,
• металл банкалар жана буюмдар,
• кагаз таштандылар.

Иш-чара экологиялык маданиятты жогорулатууга, айлана-чөйрөнү коргоо демилгелерин колдоого жана жаштардын жаратылышка болгон жоопкерчилигин калыптандырууга багытталган.

Жигердүүлүгү, ынтымагы жана Жерге болгон камкордугу үчүн бардык катышуучуларга терең ыраазычылык билдиребиз.
Бирге — биз күчтүүбүз!